Usono: la diskonigo de Esperanto en nia lando

El UEA-vikio
Iri al: navigado, serĉi
  -  Landa Raporto
Nia Mondo

15-a de aŭgusto 2022

Situo de Usono ruĝa.ph.png
Usona Esperantisto

Kion pri Esperanto vi deziras, ke multaj aliaj homoj sciu?
Ĉu vi volas, ke aliaj en Usono konu Esperanton?

Nu, kion diras niaj statutoj pri liverado de informoj?

Antaŭparolo
Esperanto-Ligo por Nordameriko, Inc. estas konstituita kiel neprofitcela eduka organizo, kies unua celo estas plua edukado kaj disvastigo de informoj pri la internacia helplingvo Esperanto ene de Usono.


Tiuj unuaj vortoj de nia statuto estas eble la plej gravaj reguloj, kiujn ni havas pri tio, kion ni devas fari. Via estraro de Esperanto-USA kunlaboras nun por restarigi la Komitaton por Diskonigo. Informi la publikon pri Esperanto estas tre granda projekto de vasta amplekso. Tamen, ĝi estas sufiĉe regebla, kiam ni havas teamon de instigitaj planemuloj laborantaj kune por komuna celo.

La Komitato por Diskonigo

  • Ĉu vi okupiĝas pri sociaj amaskomunikiloj?
  • Ĉu vi estas kreema en cerbumado kaj kreado de reklamaj materialoj?
  • Ĉu vi deziras uzi viajn komunikajn kapablojn por la antaŭenigo de la Esperanta komunumo en Usono?
  • Ĉu vi iam ajn skribis gazetarajn anoncojn?


Se vi respondas jes al iu ajn el supraj demandoj, ni bezonas vian helpon nun, dum ni restarigas la komitaton. Se vi interesiĝas pri la projekto, bonvolu skribi al mi persone aŭ al alia estrarano. Dankon pro via intereso.


Ek kaj antaŭen!


Rimarko: Filipo estas prezidanto de Esperanto-USA kaj loĝas en Fort Worth. Retpoŝtadreso: filipo [ĉe] grupoj.org


Fonto: (eo) Filipo Dorcas, La diskonigo de Esperanto en Usono, Usona Esperantisto (2022-02 mar-apr)