Grin Fremdlingvo-Instruado Kiel Publika Politiko P082

El UEA-vikio
Iri al: navigado, serĉi



<title>82</title>





inkluzive de la lingvo

nuntempe elektita kiel unua

fremdlingvo.60

6.5 Taksado de la transpagoj

La privilegiitaj merkatoj

La lingva hegemonio okazigas, mi jam diris, diversajn formojn de redistribuo favore al la parolantoj de la hegemonia lingvo same kiel al la ŝtatoj, de kiuj ĝi estas la lingvo plej uzata aŭ oficiala – aŭ unu el la oficialaj. Tiu privilegio rezultas el la sekvantaj efikoj: la parolantoj de la dominanta lingvo profitas avantaĝon pro la vendo de diversaj servoj (instruado de la dominanta lingvo; tradukado kaj interpretado en tiun ĉi; eldonado kaj kontrolado de tekstoj en tiu lingvo; liverado en fremdlandojn de pedagogia materialo por ties instruado).

Miascie, ekzistas nur skaloj de

grando de tiu efiko kaze de la angla, kaj tio, por Britio. La retejo de British Council indikas ĉi-rilate, ke la « English language products » (sendube komprenendaj kiel la produktoj ligitaj al la angla lingvo, do kategorio pli vasta ol la produktoj en la angla lingvo) valoras proksimume 800 milionojn da pundoj jare; ĉirkaŭ 700.000 personoj jare vizitas Brition por lerni la anglan kaj tie elspezas sumon taksitan je 700 milionoj da pundoj (tio estas meza elspezo de £ 1.000 je persono). 61 La retejo de British Council ne donas detalojn pri la metodologio de taksado. La dua cifero baziĝas sur la datumoj de 1998 sed nenio estas dirita pri la periodo dum kiu validis la unua. Tiuj datumoj estis disponeblaj en 2001, ni ĉi tie akceptu, simpligante, ke tiuj sumoj respegulas taksadojn pri tiu jaro. Ĉar inter 2001 kaj 2004, la nominala MEP en Britio kreskis de 16,7% 62 kaj supozante, ke ĝi estas identa en ĉiuj sektoroj, tiu miliardo kaj duono da pundoj atingis 1,75 miliardojn da pundoj en 2004, kio egalas al 2,59 miliardoj da eŭroj, ĉi tie rondigitaj al 2,5 miliardoj da eŭroj, por eviti ĉiun eraron, kiun povus kaŭzi la utiligo de tro malfavora valorkurzo de la pundo. 63




60 Vidu Haszpra (2004)

por kalkuloj bazitaj sur la horvaloro de la laboro. Komparante la fiskan ŝarĝon je kapo, kiu rezultas el ĝeneraligita instrua politiko de fremdlingvo, Haszpra obtenas proporcion de 1 al 10 laŭ la kazo ĉu temas pri Esperanto, ĉu pri la angla. En scenaro kun du fremdlingvoj (Esperanto kaj dua fremdlingvo aŭ du naturaj lingvoj, el kiu verŝajne unuavice la angla), li fine trovas fiskan ŝarĝon je kapo de 312 eŭroj jare kaj de 925 eŭroj respektive, kio rimarkinde konverĝas kun niaj propraj rezultoj.
61 Vidu http://www.britishcouncil.org/english/engfaqs.htm#econben

62 Fonto: http://www.statistics.gov.uk.

63 Nepras insisti pri la fakto, ke tiuj taksaĵoj certe estas sub la realo. Tiele, British Council indikas, ke la brita ekonomio enspezas ĉiujare 11 miliardojn da pundoj el la internacia merkato de la edukado. Estas tre probable, ke tiu sumo estus konsiderinde malpli alta, se la angla ne profitus de privilegiita pozicio. Vidu ĉe

www.britishcouncil.org/mediacentre/apr04/vision_2020_press_notice.doc .