Grin Fremdlingvo-Instruado Kiel Publika Politiko P019

El UEA-vikio
Iri al: navigado, serĉi


<title>19</title>









ĈAPITRO 2

LINGVA POLITIKO, PUBLIKA POLITIKO

KAJ FREMDAJ LINGVOJ

2.1. Kio estas lingva politiko ?

La «lingva politiko», aŭ la «lingva planado», estas la kampo de teoria kaj empiria esploro plej rekte rilatita al la demandoj starigataj pro difino de politiko pri lingvinstruo. Komence, ni precizigu ke en la sekvantaj paĝoj, ni ne distingos precizan diferencon inter la lingva politiko kaj la lingva planado, ĉar tia distingo inter tiuj du terminoj ne estas konstanta en la literaturo4. Eĉ se la plimulto de la aŭtoroj pri franclingva socilingvistiko emas preferi unu aŭ la alian el la terminoj, la distingo inter la du ne ĉiam estas la sama laŭ la aŭtoroj (Maurais, 1987 ; Calvet, 1987, 1996) ; ekzistas kebeka prefero por «aranĝo», sed ĝi ne estas rigora. Same, la anglalingva socilingvistiko parolas pri "language policy" kaj pri "language planning" (Jermudd, 1983, 2001 ; Schiffman, 1996 ; Kaplan kaj Baldauf, 1997 ; Ricento, 2006), tamen ne klare diferencigante ilin.5. Dume, en la lastaj jaroj, la termino politiko kaj "policy" staras pli ofte ĉe la antaŭscenejo, precipe kiam temas, kiel en ĉi-tiu studo, pri la gravaj orientiĝoj de la publika politiko kun la necesa komparo de la alternativoj, kion tio implicas. Tamen, eĉ se la termino planado aŭ "planning" ŝajne estas ofte rezervitaj por aferoj, kelkfoje iom teknikaj, rilatitaj al plenumado de pli ĝeneralaj orientiĝoj, kiuj dependas de la lingva politiko, la distingo ne estas absoluta6.



4. La literaturo

proponas ankaŭ la terminon «glotpolitiko», malofte uzatan, kiun ni ankaŭ ne uzos ĉi-tie.
5. Ekzemple, estus preskaŭ neeble dispartigi la revuojn Language Policy, Current Issues in Language Planning, kaj Language Problems and Language Planning surbaze de la temoj, kiujn ili pritraktas.
6. Tiamaniere, la Revue d’aménagement linguistique (Revuo pri lingva planado), publikigata en Kebekio, pritraktas amplekse politikajn kaj instituciajn  aspektojn, kiuj klare dependas de tio, kion mi nomas ĉi-tie «lingva politiko»