Agado Por La Uzo De Esperanto Inter Sportistoj: Malsamoj inter versioj

El UEA-vikio
Iri al: navigado, serĉi
e (6 versioj)
 
(Unu meza versio de alia uzanto ne montriĝas)
Linio 58: Linio 58:
 
(55)(21) 9297 9577<br>
 
(55)(21) 9297 9577<br>
  
''Por ĉiu popolo, sia propra lingvo''<br>
+
''Por ĉiu popolo, ĝia propra lingvo''<br>
 
''Por ĉiuj popoloj, Esperanto''
 
''Por ĉiuj popoloj, Esperanto''

Nuna versio ekde 10:14, 27 Jun. 2010


    • Adoptu sportiston

La agado estas priskrtibita kaj gvidata pere de la blogo: http://www.olimpikoj.blogspot.com/

    • Letero sendita al sportistoj de Renata Ventura

Por pli bona mondo en 2016

Kara __________, plezuro koni vin.

La Olimpikoj 2016 preskaŭ alvenas, kaj brazilanoj ekis kampanjon celante ke la Olimpiaj Ludoj de 2016 estu la plej internaciaj ludoj en la historio. Plej internaciaj pro tio ke, en plenplena olimpika spirito, ĉiuj sportistoj povus interkomunikiĝi sen lingvaj baroj: ke la ĵudistoj el Brazilo povos interŝanĝi viv-spertojn kun la ĵudistoj el Rusio, ke la kurantoj argentinaj povos relatiĝi kun la afrikaj kurantoj, kaj tiel plu, sen komunikaj problemoj, sen la neceso komunikiĝi pere de gestoj kaj lingvoj, kiujn ili ne vere regas. Ke la sportistoj povos interkomunikiĝi klare kaj neŭtrale, en egaleca kaj neŭtraleca etoso, kiu estas la bazo de la olimpika sento.

Nuntempe en Olimpikoj, sportistoj havas du elektojn: aŭ ili interkomunikiĝas malbone en la angla (lingvo, kiun la plej multo el ili ne bone parolas), aŭ ili nur babilas inter la sportistoj el siaj propraj landoj. Brazilanoj kun brazilanoj, Ĉinoj kun Ĉinoj, Poloj kun Poloj. Ĉu ne estus pli riĉe se ĉiuj povus interŝanĝi viv-spertojn pere de neŭtrala lingvo? La internacieco kaj la amikema etozo, kiujn estas apogitaj de la Olimpiaj Ludoj, estos pli bone kaj pli juste atingitaj kiam ĉiuj povos interbabili kiel egalaj homoj, en neŭtrala kaj facila lingvo, kiu estas kreita speciale por esti facila trans-nacia lingvo. Lingvo kiu estas ponto inter kulturoj. Lingvo, kiu ne donus avantaĵon al personoj el nur unu aŭ du landoj (nome, Usono kaj la Brita komunumo).

UNESCO apogas tiun ideon. En du oficialaj rezolucioj, la organizo rekomendis la instruadon de Esperanto (neŭtrala, internacia lingvo) en la lernejoj tra la mondo. Hodiaŭ, proksimume kvin milionoj da personoj parolas tiun riĉan lingvon, en pli ol 200 landoj.

La celo de Esperanto estas ke ĉiuj povus interkomunikiĝi tra la mondo, sen malfacilaĵoj aŭ lingvaj baroj. Dua lingvo al ĉiuj. Komuna, trans-nacia lingvo.

Brazilanoj invitas vin lerni la lingvon por pli bone amikume dum la Olimpikaj Ludoj 2016 en Rio de Janeiro, kaj poste en ĉiuj aliaj internaciaj ĉampeonecoj. Ĉiuj aliaj sportistoj ankaŭ estas invitota!

Por lerni la anglan (bela, sed tre malfacila lingvo) estas necesaj 7 aŭ 10 JAROJ de studado. Por lerni Esperanton, necesas nur 6 MONATOJ. En 6 monatoj, homoj atingas nivelon, kiun ili nur atingus en la angla lingvo post 6 jaroj.

Nun, al la infanoj: kiel tiu lingvo helpus ilin? Kelkaj sciencaj studoj (faritaj en diversaj landoj) pruvis la propedeŭtikan kvaliton de Esperanto. Tio signifas ke la lernado de Esperanto multe faciligas la lernadon de aliaj lingvoj (inkluzive la angla). Lernante Esperanton antaŭe, infanoj lernas la anglan en 4 jaroj, anstataŭ 7.

La lernado de Esperanto ankaŭ kreskigas la kapablon de infanoj en aliaj lern-objektoj, ĉar ĝia logika strukturo stimulas la cerbon de la lernanto. La sciencaj studoj montris ke la plej multo de la infanoj, post lerni tiun lingvon, kreskigis ĝis 40% iliajn notoj en matematiko, precipe, kaj en la aliaj lernobjektoj, en pli malgranda grado. Eĉ la nivelo en ilia propra nacia lingvo kreskis.

La instruado de Esperanto ĉiam estas ligita al filozofio pri toleremo kaj respekto al malsamaj kulturoj – sama celo de la Olimpikaj Ludoj. La kontakto kaj babilado inter persooj el malsamaj landoj estas ebla jam de la unua monato de lingva-studado.

La studo de Esperanto estas tiom plezura, ke jam dum la unuaj tagoj de studoj, la lernantoj entuziasmiĝas, kiam ili rimarkas ke, en malmultaj minutoj, ili jam kapablas diri diversajn aferojn, konstrui vortojn, prononci ĉion... Kaj tiu entuziasmo nur kreskas.

10 minutoj tage. Dum ses monatoj. Estas sufiĉe por lerni ĝin. Nia kampanjo celas informi al la sportistoj pri tiu ebleco: lerni Esperanton en ses monatoj, 10 minutoj tage, por pli bone komunikiĝi kun la sportistoj el la tuta mondo. La projekto enhavas grupoj de junuloj el ĉiuj landoj, kiuj kontaktos la sportistojn el siaj respektivaj landoj, parolante pri la ideo. La Olimpikaj Ludoj povas fariĝi la plej demokratia kaj la plej vere internacia evento en historio. Lingvistike demokratia. Tiu revolucio povas komenci kun la sportistoj.

Do, estas du proponoj: 1. Ke vi estu unu el la sportistoj kiu lernos Esperanton. 2. Ke vi helpu nin disvastigi la ideon, inter viaj sportaj kolegaro;

Mi volas scii kion vi pensas pri la propono, kaj ĉu vi ŝatus lerni Esperanton. Ni povas instrui ĝin eĉ ret-mesaĝe. Malsame al aliaj lingvoj, Esperanto ne postulas ĉeestantan instruiston. Tutcerte, oni nur gajnas lernante ĝin. Mi scias pro propra sperto. La numero de sinceraj amikoj, kiujn mi gajnis per Esperanto estas eksterordinara. Dankon pro via atento.

Ni ja povas krei pli bonan estonton kun ĉi tiu iniciato.

Ni ŝatus ke vi estu kune al ni.   Brakumoj!

Renata Ventura
Rio de Janeiro, Brasil
Komitato Junula pri Lingva Demokratio en la Olimpiaj Ludoj
esperantrix@gmail.com
(55)(21) 9297 9577

Por ĉiu popolo, ĝia propra lingvo
Por ĉiuj popoloj, Esperanto