Ĝenerala Klarigo Pri Ĉi Tiu Projekto

El UEA-vikio
Revizio de 10:18, 27 Jun. 2010 fare de Amiko1 (Diskuto | kontribuoj) (2 versioj)

(malsamoj) ← Antaŭa versio | Rigardi nunan version (malsamoj) | Sekva versio → (malsamoj)
Iri al: navigado, serĉi


PIP — Projekto Indiĝenaj Popoloj

Ĝenerala klarigo por ĉi tiu projekto

Kiel ĉiuj organizaĵoj, la Esperanto-movado devas konservi sian esencon kaj sian bazan signifon. Tamen, ĝi ankaŭ devas ŝanĝi kaj evolui, por ke ĝi ne perdu la kapablon esprimi kaj realigi tiun esencon kaj tiun signifon.

Inter la bazaj dokumentoj de la Esperanto-movado estas la Statuto de UEA. Ekzemple, artikolo tri de la statuto deklaras ke UEA, kaj pro tio la Esperantistaro, devas ne nur disvastigi la uzadon de Esperanto kaj agadi por la solvo de la monda lingva problemo, sed ankaŭ "plifaciligi la ĉiuspecajn spiritajn kaj materiajn rilatojn inter la homoj, malgraŭ diferencoj de nacieco, raso, sekso, religio, politiko, aŭ lingvo."

Tiu citaĵo indikas la direkton laŭ kiu vojaĝas la Projekto Indiĝenaj Popoloj. PIP celas fari kontakton kun indiĝenaj popoloj por informi al ili pri la ekzisto kaj la celoj de Esperanto, kaj pri la manieroj per kiuj indiĝenaj popoloj povos uzi Esperanton; ĝi celas ebligi al la indiĝenaj popoloj kontakton kun interretaj kursoj pri Esperanto, inter aliaj rimedoj, por ke anoj de la indiĝenaj popoloj lernu la lingvon. Sed kial PIP celas indiĝenajn kulturojn? Kaj kion faru la popoloj de tiuj kulturoj kiam ili jam lernis Esperanton? Por taŭge respondi al tiu demando, ni rigardu la situaciojn de multaj indiĝenoj tra la mondo. Indiĝenaj popoloj ofte havas problemojn trovi manieron starigi taŭgan rilaton inter la propra kulturo kaj la pli dominanta kulturo apud ili. La rezulto de tiuj situacioj estas gravaj perdoj: la indiĝenaj kulturoj kaj individuaj indiĝenoj ofte perdas teron, vivmanieron, sanon kaj eĉ vivon. Aliflanke, la modernaj kulturoj kaj individuoj ofte perdas valorajn sciojn de la indiĝenaj kulturoj kaj, eĉ pli grave, perdas la okazon trakti respektoplene kaj lerneme aliajn homojn kaj aliajn kulturojn.

PIP kredas ke kiam indiĝenaj popoloj havos kontakton inter si per Esperanto kaj la Interreto, ili povos praktike kaj emocie subteni sin per interŝanĝado de informo, kuna solvado de problemoj similaj en diversa mondpartoj, ekzemple: tero, sano, tawgaj ŝanĝoj pri edukado kaj ekonomia vivo, kaj reciproka respekto por kaj disvolviĝo de siaj kulturoj. Tio, laŭ PIP, estas taŭga esprimo de artikolo tri de la Statuto.

Kompreneble, PIP devos multe kaj saĝe labori por atingi siajn celojn. Inter aliaj paŝoj, ĝi devos:

  • tutmonde kontakti indiĝenajn grupojn diversspecajn
  • klarigi la celojn de Esperanto kaj la manierojn per kiuj indiĝenaj grupoj povos uzi ĝin por plibonigi siajn situaciojn
  • evoluigi siajn rilatojn kun aliaj grupoj kiuj celas helpi indiĝenajn kulturojn
  • certigi ke indiĝenajn grupojn havos taŭgajn lernilojn kaj ricevos necesan helpon pri la lernoprocedo
  • provizi al indiĝenaj grupoj informon pri kontakto kun similaj grupoj por interkonatiĝo kaj kuna laboro
  • informi pri la laboro de PIP al registaraj, internaciaj, kaj aliaj instancoj kaj grupoj.

PIP nun serĉas personojn de diversaj lingvaj kaj kulturaj scioj, personoj de diversaj lertecoj, kaj personoj kiuj havas fortan intereson pri la indiĝenaj kulturoj de la mondo. Por kunlabori pri la celoj de PIP, bonvole kontaktu: Agavo (Erik) Felker ĉe ejfelker@dslextreme.com

La Projekto Indiĝenaj Popoloj de UEA nun havas propran UEA-konton:
Indiĝenaj Popoloj, <ipop-b>.