Pardonpeton!

La vera aspekto de la retejo ne povas por esti korekte rigardata per via retumilo.
La adreso:
Universala Esperanto-Asocio
Nieuwe Binnenweg 176, 3015 BJ Rotterdam, Nederlando
tel.: +31 10 436 1044
faks.: +49 30 364280169
rete: vidu la liston
 
Gazetaraj Komunikoj de UEA
2020  2019  2018  2017  2016  2015  2014  2013  2012  2011  
2010  2009  2008  2007  2006  2005  2004  2003  2002  2001  2000  1999  1998  

N-ro 45 (1999-10-04)
Vendoj de la Libroservo de UEA rapide kreskas

La flagoŝipo de la Esperanta libromerkato, la libroservo de UEA, povis kun kontento bilanci la vendojn dum la unuaj tri kvaronoj de 1999: fine de septembro la vendoj sumiĝis je 118 250 eŭroj, t.e. 260 600 guldenoj. Tio estas 30 700 gld. pli ol fine de septembro 1998.

Parte la kresko de la vendoj estas klarigebla per la bonega rezulto de la kongresa libroservo en Berlino, kiu superis tiun en la Montpeliera UK per preskaŭ 10 000 gld. Du trionoj de la kresko ŝuldiĝas tamen al la efika organizo de la vendejo en la Centra Oficejo. Regulaj vendokampanjoj direktitaj al elektitaj landoj kaj celgrupoj, rabatoj al la individuaj membroj de UEA, sistema reklamado, Malfermaj Tagoj de la CO kaj aliaj manieroj ebligis la kreskon. Plia faktoro estas la aktiviĝo de UEA mem kiel eldonisto de enhave kaj grafike kvalitaj libroj.

Tri monatojn antaŭ la jarfino estas certe, ke ĉi-jare la libroservo klare superos la magian limon de 300 000 gld. Ĝis nun oni superis ĝin nur en unu jaro, 1988, kiam la UK okazis en Roterdamo.

Bazon por bona evoluo ankaŭ en estonteco kreos la aperigo de nova eldono de la librokatalogo, kiu fariĝos ankaŭ rete konsultebla.

El Gazetaraj Komunikoj

Libroservo de UEA en 2014: "Poŝamiko" venkis, vendoj malkreskis
Gazetaraj Komunikoj n-ro 574 (2015-03-25)

Libroservo de UEA en 2013: "Poŝamiko" venkis, evoluo zorgigas
Gazetaraj Komunikoj n-ro 535 (2014-02-21)

UEA-membraro en 2012: malkresko sed tamen super 5000
Gazetaraj Komunikoj n-ro 492 (2013-03-21)

Libroservo de UEA en 2012: "Poŝamiko" la plej furora
Gazetaraj Komunikoj n-ro 491 (2013-03-01)

La Libroservo de UEA pli alloga por kreditkartaj klientoj
Gazetaraj Komunikoj n-ro 456 (2012-06-08)

Ĉiu Gazetara Komuniko de UEA estas libere uzebla laŭ la Permesilo CC BY 4.0.
 
Supren
UEA, 2020