Pardonpeton!

La vera aspekto de la retejo ne povas por esti korekte rigardata per via retumilo.
La adreso:
Universala Esperanto-Asocio
Nieuwe Binnenweg 176, 3015 BJ Rotterdam, Nederlando
tel.: +31 10 436 1044
faks.: +49 30 364280169
rete: vidu la liston
 
Gazetaraj Komunikoj de UEA
2021  2020  2019  2018  2017  2016  2015  2014  2013  2012  2011  2010  
2009  2008  2007  2006  2005  2004  2003  2002  2001  2000  1999  1998  

N-ro 640 (2016-10-15)
Ĝenerala Voĉdono pri la Statuto de UEA progresas

Unu monaton post la ekigo de la Ĝenerala Voĉdono pri la Statuto de UEA, individuaj membroj kaj aliĝintaj landaj kaj fakaj asocioj tra la mondo komencis diskuti kaj voĉdoni pri la proponitaj ŝanĝoj.

Jam alvenadas voĉdoniloj el plej diversaj landoj, konfirmas Veronika Poór, Ĝenerala Direktoro de UEA. Ni ĝojas vidi la reagojn, ĉar por sukcesa ŝanĝo pli ol duono de la membroj devas voĉdoni jese. Ni fidas la subtenon kaj partoprenon de la membroj, landaj kaj fakaj asocioj por la sukcesa voĉdono.

La proponitaj ŝanĝoj en la Statuto estis diskutitaj kaj aprobitaj de la Komitato de UEA dum la 101-a Universala Kongreso en Nitro. Ili traktas diversajn temojn, interalie la rilatojn inter UEA kaj ĝia junulara sekcio TEJO, kaj la utiligon de Interreto por fari voĉdonojn kaj decidojn.

La lasta voĉdono pri la Statuto okazis antaŭ pli ol 30 jaroj, klarigas Mark Fettes, la Prezidanto de UEA. Intertempe multo ŝanĝiĝis en UEA kaj en la mondo. La nun proponitaj ŝanĝoj estas parto de niaj streboj por modernigi la Asocion kaj ebligi al ĝi profiti de novaj ŝancoj kaj rimedoj por sia agado.

La 16-an de septembro 2016 dissendiĝis pli ol kvar mil kovertoj kun la voĉdoniloj, letero de la Prezidanto, kaj kajereto kun detalaj informoj pri la proponitaj ŝanĝoj. Jam pli ol 300 voĉdoniloj atingis la Centran Oficejon, la unua nur kvin tagojn post la dissendo de la voĉdoniloj.

Se la proponitaj statutŝanĝoj estos akceptitaj, tiu ĉi estos la lasta voĉdono pri la Statuto, kiu devas okazi per ordinara poŝto. Estonte UEA povos utiligi la rimedojn de la reto por voĉdonigi siajn membrojn.

Pliaj informoj pri la Ĝenerala Voĉdono, kaj elektronikaj versioj de la leteroj kaj kajero senditaj al la voĉdonantoj, estas troveblaj ĉe http://uea.org/teko/komitato .

Mallonga ligilo por tiu ĉi komuniko: www.uea.org/gk/640a1

El Gazetaraj Komunikoj

UEA renovigis sian Statuton
Gazetaraj Komunikoj n-ro 659 (2016-12-16)

Alvoko por voĉdonkontrolantoj fine de la Ĝenerala Voĉdono
Gazetaraj Komunikoj n-ro 644 (2016-11-12)

Propono prifesti la Zamenhof-datrevenon progresas ĉe Unesko
Gazetaraj Komunikoj n-ro 588 (2015-09-27)

Instruado de Esperanto progresas en Burundo
Gazetaraj Komunikoj n-ro 347 (2009-11-17)

Bona progreso de aliĝoj al Jokohamo
Gazetaraj Komunikoj n-ro 251 (2006-12-18)

Ĉiu Gazetara Komuniko de UEA estas libere uzebla laŭ la Permesilo CC BY 4.0.
 
Supren
UEA, 2021