Pardonpeton!

La vera aspekto de la retejo ne povas por esti korekte rigardata per via retumilo.
La adreso:
Universala Esperanto-Asocio
Nieuwe Binnenweg 176, 3015 BJ Rotterdam, Nederlando
tel.: +31 10 436 1044
faks.: +49 30 364280169
rete: vidu la liston
 
Gazetaraj Komunikoj de UEA
2020  2019  2018  2017  2016  2015  2014  2013  2012  2011  
2010  2009  2008  2007  2006  2005  2004  2003  2002  2001  2000  1999  1998  

N-ro 27 (1999-02-24)
Marjorie Boulton en la deka Malferma Tago de la Centra Oficejo

La plej sukcesa iniciato de novspeca Esperanto-aranĝo en la 90-aj jaroj, la Malferma Tago de la Centra Oficejo de UEA, okazos jam por la deka fojo sabaton, la 24-an de aprilo, de la 10-a ĝis la 17-a horo.

La ĉefa gasto de la aprila Malferma Tago estos la renoma verkistino Marjorie Boulton. Ŝia ampleksa originala verkaro inkluzivas ĉiujn branĉojn de beletro. Ŝi estas ankaŭ populara pedagogo, kies ĉefverkoj tiukampe estas la progresiga legolibro Faktoj kaj fantazioj kaj la famaj Barlastonaj Esperanto-kursoj. Marjorie Boulton estas certe ankaŭ la plej elstara kat-amanto en Esperantujo. Rondo Kato, kiun ŝi prezidas, estas unu el la plej viglaj fakaj Esperanto-asocioj.

Krom renkontiĝo kun Marjorie Boulton, ankaŭ aliaj programeroj atendos la vizitantojn. Kiel kutime, la Libroservo rabatos 10-procente siajn varojn — kelkajn eĉ pli multe — kaj la laborantoj de la CO regalos la gastojn per kafo kaj teo.

En la Malferma Tago antaŭ unu jaro Hector Hodler, la fondinto de UEA, estis unu el la gravuloj de la 90-jara historio de UEA kiujn oni omaĝis per prelego. Ĉi-foje eblos konatiĝi kun verkoj de lia patro se oni etendos sian vojaĝon ĝis Hago, en kies Komunuma Muzeo estas montrata ekspozicio de pentraĵoj de Ferdinand Hodler.

Mallonga ligilo por tiu ĉi komuniko: www.uea.org/gk/27a1

El Gazetaraj Komunikoj

Ĝis la 31-a de majo junuloj rajtas kandidatiĝi por volontuli en la Centra Oficejo de UEA kaj TEJO
Gazetaraj Komunikoj n-ro 878 (2020-05-28)

La 52-a Malferma Tago okazos virtuale kun koncerto de Kjara
Gazetaraj Komunikoj n-ro 866 (2020-04-24)

Filmo "Vizito al la Centra Oficejo" libere spektebla
Gazetaraj Komunikoj n-ro 865 (2020-04-22)

Virtualaj eventoj anstataŭ la Malferma Tago kaj la UK en 2020
Gazetaraj Komunikoj n-ro 864 (2020-04-18)

Malferma Tago la 30-a novembro
Gazetaraj Komunikoj n-ro 824 (2019-09-12)

Ĉiu Gazetara Komuniko de UEA estas libere uzebla laŭ la Permesilo CC BY 4.0.
 
Supren
UEA, 2020