Pardonpeton!

La vera aspekto de la retejo ne povas por esti korekte rigardata per via retumilo.
La adreso:
Universala Esperanto-Asocio
Nieuwe Binnenweg 176, 3015 BJ Rotterdam, Nederlando
tel.: +31 10 436 1044
faks.: +49 30 364280169
rete: vidu la liston
 
Gazetaraj Komunikoj de UEA
2020  2019  2018  2017  2016  2015  2014  2013  2012  2011  
2010  2009  2008  2007  2006  2005  2004  2003  2002  2001  2000  1999  1998  

N-ro 48 (1999-10-13)
Grava rekono de la kongresa mondo al UEA

Nikola Rasic, la Konstanta Kongresa Sekretario de UEA, estis invitita al la nove fondita Klientara Konsilio de ICCA, Internacia Konferenca kaj Kongresa Asocio. ICCA aktivas ekde sia fondo en 1963 kiel forumo de kunlaboro kaj spert-interŝanĝo de organizantoj de internaciaj kongresoj kaj ekspozicioj. Ĝia sidejo estas en Amsterdamo.

Ĝis nun en ICCA aŭdiĝis unuavice la voĉo de tiuj, kiuj rolas en la kongresa mondo kiel liverantoj de servoj: kongresejoj, vojaĝagentejoj, flugkompanioj, hotelĉenoj ktp. Tia stato elvokis kritikon fare de la klientoj, t.e. internaciaj asocioj kaj movadoj kiuj okazigas kongresojn. Kiel rimedon por plibonigi la situacion, UEA iniciatis starigon de aparta formo de ilia reprezentado. Post apogo de multaj asocioj ICCA akceptis la ideon kaj decidis starigi Klientaran Konsilion.

Al la unua konsisto de la Konsilio ICCA invitis dek funkciulojn de asocioj kun vasta sperto pri la organizado de internaciaj kongresoj. Ĉiu membro devontigis sin resti en la Konsilio almenaŭ du jarojn. La unua kunsido de la Konsilio okazos dum la ĉi-jara kongreso de ICCA la 10-an de novembro en Lisbono.

Per la invito de KKS de UEA al la unua Konsilio ICCA rekonas la unikan sperton de UEA kiel organizanto de unu el la plej longedaŭraj regulaj eventoj sur la kampo de internaciaj kongresoj. En la klasifiko de ICCA la Universala Kongreso de Esperanto apartenas al la kategorio de grandaj kongresoj, de kiuj ĉiujare okazas nur kelkdeko.

Nikola Rasic laboras ĉe UEA ekde 1988 kaj estas la plej longe servinta KKS de la asocio.

Mallonga ligilo por tiu ĉi komuniko: www.uea.org/gk/48a1

El Gazetaraj Komunikoj

Unu leciono pri Esperanto por ĉiu lernejano en la tuta mondo
Gazetaraj Komunikoj n-ro 858 (2020-03-29)

Olga Ŝiliaeva reĝisoros la kongresan temon de Lahtio
Gazetaraj Komunikoj n-ro 790 (2019-03-28)

"Vivanta naturo, floranta kulturo": kongresa temo de la 104-a UK
Gazetaraj Komunikoj n-ro 764 (2018-11-02)

Internacia Tago de Ne-perforto 2018: interkompreniĝo kiel bazo de pli tolerema kaj pli paca mondo
Gazetaraj Komunikoj n-ro 760 (2018-10-02)

Sciigu al la tuta mondo pri via agado - ne nur rete, sed ankaŭ papere!
Gazetaraj Komunikoj n-ro 670 (2017-02-16)

Ĉiu Gazetara Komuniko de UEA estas libere uzebla laŭ la Permesilo CC BY 4.0.
 
Supren
UEA, 2020