Pardonpeton!

La vera aspekto de la retejo ne povas por esti korekte rigardata per via retumilo.
La adreso:
Universala Esperanto-Asocio
Nieuwe Binnenweg 176, 3015 BJ Rotterdam, Nederlando
tel.: +31 10 436 1044
faks.: +49 30 364280169
rete: vidu la liston
 
Gazetaraj Komunikoj de UEA
2020  2019  2018  2017  2016  2015  2014  2013  2012  2011  
2010  2009  2008  2007  2006  2005  2004  2003  2002  2001  2000  1999  1998  

N-ro 35 (1999-07-28)
Festlibro omaĝas la jubileon de Auld kaj Boulton

LINGVA ARTO. Jubilea libro omaĝe al William Auld kaj Marjorie Boulton. Red. Vilmos Benczik. Rotterdam: UEA, 1999. ISBN 92-9017-064-6. 5+217p. 21cm. Prezo: 16,50 eŭroj.

Du el la plej eminentaj Esperanto-verkistoj festas ĉi-jare sian 75-an datrevenon: Marjorie Boulton la 7-an de majo kaj William Auld la 6-an de novembro. Universala Esperanto-Asocio omaĝas la jubileon de siaj du honoraj membroj per la festlibro "Lingva arto", redaktita de d-ro Vilmos Benczik kaj eldonita por lanĉo en la 84-a Universala Kongreso en Berlino.

Kiel Kep Enderby, prezidanto de UEA, diras en sia enkonduko, Auld kaj Boulton "havas grandegan meriton en tio, ke Esperanto fariĝis lingvo moderna en ĉiuj sencoj". Pluraj el la kontribuaĵoj prilumas diversajn aspektojn de la verkista kariero de la brita duopo aŭ analizas iliajn verkojn. Aliaj eseoj pritraktas aktualajn temojn de la movada kaj kultura vivo de Esperantujo, ofte kun referencoj al la jubileantoj, konataj ne nur kiel verkistoj sed ankaŭ kiel aktivaj movadaj agantoj.

Al "Lingva arto" kontribuis entute 23 aŭtoroj: V. Benczik, G. Berveling, W. Bormann, J. Camacho, P. Daŝgupto, S. Fiedler, P. Gubbins, T. Huĝimoto, R. Jaderstrom, E. de Kock, A. Korĵenkov, Laŭlum, Mao Zifu, G. Mattos, S. Maul, A. Montagut, S. Pokrovskij, B. Ragnarsson, M. de Seabra, G. Silfer, H. Tonkin, L. Trifonĉovski kaj J. Wells. Aldonitaj estas ankaŭ la bibliografioj de Auld kaj Boulton, kompilitaj de Christian Cimpa. La belan grafikan veston de la libro prizorgis Francisco Veuthey.

Mallonga ligilo por tiu ĉi komuniko: www.uea.org/gk/35a1

El Gazetaraj Komunikoj

La unua numero de Unesko-Kuriero por 2019 (jan-mar) omaĝas la Internacian Jaron de Indiĝenaj Lingvoj
Gazetaraj Komunikoj n-ro 794 (2019-04-10)

Forpasis Marjorie Boulton (1924-2017)
Gazetaraj Komunikoj n-ro 700 (2017-08-31)

Fondaĵo Grabowski premiis Marjorie Boulton
Gazetaraj Komunikoj n-ro 551 (2014-08-03)

Malferma Tago: omaĝo al Sekelj, repremiero de historia filmo
Gazetaraj Komunikoj n-ro 436 (2011-12-01)

Malferma Tago omaĝis Erasmon kaj Morariu
Gazetaraj Komunikoj n-ro 413 (2011-05-18)

Ĉiu Gazetara Komuniko de UEA estas libere uzebla laŭ la Permesilo CC BY 4.0.
 
Supren
UEA, 2020