Pardonpeton!

La vera aspekto de la retejo ne povas por esti korekte rigardata per via retumilo.
La adreso:
Universala Esperanto-Asocio
Nieuwe Binnenweg 176, 3015 BJ Rotterdam, Nederlando
tel.: +31 10 436 1044
faks.: +49 30 364280169
rete: vidu la liston
 
Gazetaraj Komunikoj de UEA
2020  2019  2018  2017  2016  2015  2014  2013  2012  2011  
2010  2009  2008  2007  2006  2005  2004  2003  2002  2001  2000  1999  1998  

N-ro 53 (1999-10-20)
Aperis Hejma vortaro

Hejma vortaro. Vortareto de hejmaĵoj en Esperanto. Red. Jouko Lindstedt. Rotterdam: Universala Esperanto-Asocio, 1999. 63p. ISBN 92 9017 065 4. 21cm. Prezo: EUR 7,50. (Triona rabato ekde 3 ekz.)

Parolantoj de Esperanto, kiuj uzas la lingvon hejme kiel ĉiutagan komunikilon, ofte spertas ke ordinaraj vortaroj ne ĉiam utilas por trovi nomon por iu enhejma aĵo aŭ ago. Hejma vortaro celas helpi al ili. Ĝi proponas Esperantajn nomojn por diversaj ĉiutagaj aferoj.

En Hejma vortaro la Esperantaj kapvortoj estas rekoneblaj per Esperant- lingva difino, kiun sekvas traduko en 13 naciaj lingvoj. La lingvoj estas, kun interkrampe la respektiva respondeculo: la angla (Brian Moon), la finna (Jouko Lindstedt), la franca (Suzanne Bolduc), la germana (Rudolf Fischer), la hebrea (Amri Wandel), la hispana (Jorge Camacho), la hungara (Sandor Hideg), la itala (Mauro La Torre), la japana (Nagata Hiroshi), la nederlanda (Jorg De Mulder), la portugala (Cicero Soares), la rusa (Aleksandro Shlyafer) kaj la sveda (Martin Strid). La ĉefredaktoro de la vortaro estas prof. Jouko Lindstedt el Finnlando.

Hejma vortaro rezultas el multjara preparado fare de la kunlaborantoj de Rondo Familia de UEA, ĉefe pere de la komputilreta diskutejo DENASK-L. Ĝi estis iniciatita jam komence de la 80-aj jaroj de Anna Lowenstein kaj Renato Corsetti. Provizora papera versio aperis en 1997. Ankaŭ la nuna eldono ne pretendas esti definitiva kaj kompleta, sed ĝi estas malferma por plua plibonigo kaj pliriĉigo.

Aĉetante la vortaron oni subtenas la agadon de Rondo Familia, kiun UEA fondis en 1994, la Internacia Jaro de Familio, por kunligi esperantistajn familiojn.

Mallonga ligilo por tiu ĉi komuniko: www.uea.org/gk/53a1

El Gazetaraj Komunikoj

Aperis la Dua Bulteno kun servoj (loĝado, ekskursoj, bankedo) por la 104-a UK, Lahtio 2019
Gazetaraj Komunikoj n-ro 784 (2019-02-28)

Aperis nova libro - "Fundamento de la homaj rajtoj"
Gazetaraj Komunikoj n-ro 660 (2016-12-16)

Aperis la aktoj de la Esperantologia Konferenco de la Rejkjavika UK
Gazetaraj Komunikoj n-ro 590 (2015-10-15)

Aperis "Belarta rikolto 2014"
Gazetaraj Komunikoj n-ro 556 (2014-10-14)

Aperis la aktoj de la Hanoja Esperantologia Konferenco
Gazetaraj Komunikoj n-ro 501 (2013-06-06)

Ĉiu Gazetara Komuniko de UEA estas libere uzebla laŭ la Permesilo CC BY 4.0.
 
Supren
UEA, 2020