UEA-Vikio: TOGOLANDO

UEA-Vikio | Lastaj Ŝanĝoj | ViajPreferoj | Uzu X-Sistemon

Tietti-Instituto de Esperanto en Togolando (TIETO)

B. P. 13169
LOME
Togolando

Tel.: (228) 227 2117
rete: esp.togo@cafe.tg

Organizas kursojn surlokajn kaj korespondajn precipe por la togolandaj esperantistoj; organizas seminariojn por kurs- kaj klub-gvidantoj; preparoj por la internaciaj ekzamenoj de UEA/ILEI.

INFORMOJ PRI TIETTI-INSTITUTO DE ESPERANTO EN TOGOLANDO

La landa asocio en Togolando havas diversajn sekciojn : pri junularo, instruado, realigo de mondonaj projektoj, katolikismo, ktp. TIETo estas la instrufako kaj samtempe ILEI-sekcio en la lando. Kiel ĝi naskiĝis, kion ĝi faras kaj faros ?

* Celoj, atingoj kaj estontaj planoj de TIETo
Jam multajn jarojn Esperanto travagas Togolandon. En preskaŭ ĉiuj urboj de la lando, almenaŭ unu persono scias ion pri la lingvo. Ĝi estas lernata, sed multaj personoj restas eternaj komencantoj, ĉar ili nenion pri la utilo de la internacia lingvo scias. Aliaj personoj nun regas la lingvon, sed pretervidas ties fundamentan ideon kaj scias nenion pri la tutmonda movado. Necesas do informi ilin pri la Esperantista vivo. Tial , spertante miskomprenon inter Esperantistoj kaj notante kiel Esperanto-kluboj glite glate funkcias en Togolando, kreiĝis TIETo, por ke ĉiuj, Esperanto-amantoj, Esperantistoj, Esperanto-kluboj, ktp. enprofundiĝu en la verdan mondon. La precipaj celoj de TIETo estas: - Informi kaj eduki pri la movado Esperantista kaj per Esperanto pri temoj eksterlingvaj, ekzemple vivokonceptoj, vegetarismo, intersteno, parapsikologio, jogo, sanzorgo, ktp. - Organizi kursojn diversgradajn. - Organizi Esperanto-ekzamenojn naciajn kaj Internanciajn.
Nun ĉu TIETo vere funkcias?

Jamaj atingoj

Rigardo malantaŭena montras, ke la unua Esperanto-ekzameno en Togolando okazis en 1993 por kontroli la sciojn de personoj lernantaj per la Zagreba Metodo. Internanacia Kultura Servo (IKS) de Zagrebo ege kunlaboras. De 1993 ĝis nun, okazas ĉiujare tri ekzamenoj en Togolando, kaj TIETo respondecas pri tio. Dank'al TIETo Togolando estas la unua lando Afrika, kie unuafoje okazis la internaciaj ekzamenoj de UEA/ILEI. De 1993 ĝis nun (novembro 2003) 106 Esperantistoj sukcesis la ekzamenon A pri la Zagreba Metodo, 32 la elementan ekzamenon de UEA/ILEI kaj 7 la mezan. La instituto ne nur ekzamenas, sed ankaŭ instruas. La kurso per la Zagreba Metodo disvastiĝas en Togolando. Necesis havi instruantojn, kiuj gvidu la lernantojn. TIETo organizas ĉiujare, en julio/aŭgusto, kurson por progresantoj kaj por kursgvidantoj. La prizorgantoj de TIETo profesiaj instruistoj kun pli ol dudek jaroj da sperto, ĉiam serĉas rimedojn por plibonigi la laboron. Rimarkante kiel la instituto zorgas pri la afero eduka, la landa asocio konfidis la tutan fakon instruan al ĝi. Tial nun, pri ĉio instrua kaj edukada Esperante zorgas TIETo. Tiukampe menciindas, ke la instituto estis akceptita en aŭgusto 1999 ILEI-sekcio en Togolando. Apude, estas ankaŭ la informa flanko. TIETo turnis sin al jamaj Esperantistoj. Ĝia periodaĵo OVo (Ondo da Vero) estas libera tribuno por Esperantistoj, kiuj ŝatus paroli al aliaj Esperantistoj. Per siaj kvar numeroj jare OVo informas pri la movado, plilernigas Esperanton, legigas interesajn tekstojn, ridigas per siaj anekdotoj, paroligas ankaŭ bestojn kaj plantojn per siaj fabloj kaj fabeloj, ktp. Tiel TIETo helpas ankaŭ en la kultura kampo de UTE. Kiuj iam partoprenis TEK-on (Togolandan Esperanto-kongreson), tiuj atestos pri la afero: organizado de kvizo, danckonkursoj, verkad-konkursoj, akcepto dumkongresa, ktp agrabligas la kongresojn. Neniu pretervidus la rolon de TIETo en la orgnizado de la futbal-teamo de UTE.

TIETo estas integra parto de la landa asocio. Tial ĝiaj rimedoj estas limigitaj al tiuj, kiujn la landa asocio disponigas. Krome, la abono de OVo iom da mono donas al la instituto por ties funkciado. Nun, ĉu nur pri Esperanto-agado zorgas TIETo.

Estontaj planoj

Pro Esperanto fondiĝis TIETo, kiu por kaj per Esperanto funkcias. Esperanto estas ne la oficiala lingvo en Togolando, kaj ofte lernado de fremda lingvo en Togolanda implicas vojadi al vivteno. Tial, krome Esperanto-agado TIETo ŝatus helpi al Togolandaj infanoj kaj junuloj lerni legi kaj skribi. Starigo de lernejoj nepre gravas. Necesas viziti Togolandajn klasĉambrojn por malkovri la mankon de lernejoj. En unu ĉambro estas pli ol cent junuloj, kaj multaj devas iri plurajn kilometrojn antaŭ ol atingi lernejojn plejparte el pajlplektaĵoj.Dum nepluva momento tiom sunas, ke en la klasoj estas varme (pli ol 35 gradoj), kaj dum plusezono la klasoj transformiĝas en riveretojn .Lernejojn bezonas la kompatindaj infanoj, kiuj ne mem elektis veni en tiun ĉi mondon. Ili estas helpendaj. TIETo ŝatus helpi kaj tial do klopodas havi propran lernejon, kiu funkciu laŭ la leĝoj kaj instruprogramoj en Togolando ; apude estu instruata ankaŭ Esperanto unue kiel ideologio, kaj poste kiel lingvo. Granda ambicio, ĉu ne ? Tamen, ankaŭ pacedukado okazos en la lernejo.

TIETo B.P. 13 169 Lome TOGO

E-poŝto : esp.togo@cafe.tg
http://www.tieto.fr.st/ .