Enhavlisto
kaj du rete legeblaj artikoloj
FRONTPAĜE: Nacia Vespero dum la 87-a UK en Fortalezo.
Renato Corsetti kronas reĝon dum karnavala prezento de la ensemblo
Maracatu Az de Ouro. Foto: Stano Marĉek
Vi trovos...
La 87-a Universala Kongreso en Brazilo fariĝis realaĵo.
Mi sincere ĝojas ke mi povis esti tie kaj ke mi povas nun raporti pri tiu unika evento. Ne estas simple priskribi sur 24 paĝoj tiel fascinan kongreson kun tute aparta karaktero, kiu daŭris plenan semajnon. Por doni kiel eble plej fidelan bildon kaj proksimigi al vi la etoson mi decidis aperigi multajn fotojn kaj rezignis pri la aliaj nekongresaj rubrikoj. Ja ili povas informi vin dum la tuta jaro. La ĉi-jara brazila UK tion certe meritas.
Ankoraŭ unu konsilo: se vi havas ĉe-mane diskon aŭ kasedon kun brazila muziko, lasu ĝin soni dum la legado (kaj se la korpo emos danci, ne bridu ĝin).
La brazila muziko ja fariĝis nedisigebla konsistaĵo de la ĉi-jara kongreslando kaj ĝi eble helpos al vi pli bone senti la etoson...
Stano Marĉek