Enhavlisto
kaj du rete legeblaj artikoloj
FRONTPAĜE: Anna Margareta Ritamäki, kunordiganto
de la retlisto por esperantistaj kunlaborantoj jaro-de-lingvoj-2001, komitatano
A por E-Asocio de Finnlando, juna aktivulino (estrino de la 7-a Kultura
Esperanto-Festivalo en Helsinki), aŭtorino de la apuda "malferma" artikolo,
ĉe la lingvojara afiŝo. Fotis Carola Antskog
(la patrino).
En Eŭropo komenciĝas somero kaj proponas al multaj el ni la plej fekundan sezonon por niaj aktivecoj. Esperantujo - la plej granda lando de la mondo - atendas nin "kun etenditaj brakoj"...
Espereble la nuna numero pozitive agordos vin antaŭ ol vi prenos la valizojn (bv. ne forgesi la Jarlibron), kaj "vipos la ĉevalon"... - Jes ja, kiam mi estis novico inter esperantistoj, unu el la plej fascinaj avantaĝoj de Esperanto ŝajnis al mi la unika Delegita Reto kaj - la Jarlibro. Mi ne bone komprenas, kial oni tiel malofte trovas en gazetoj artikolojn pri ties praktika utilo por nia verda popolo. Mi volonte tion riparus: ĉu vi helpos min, kara leganto? Se vi havas unikan travivaĵon ĉi-koncerne, bv. rakonti ĝin al ni!
Stano Marĉek