La tuttagaj ekskursoj okazos precipe en merkredo, la 23-a de julio, sed ankaŭ en aliaj tagoj. La prezoj inkluzivas kafon kun biskvitoj kaj foje malgrandan lunĉon, sed ne vere plenan tagmanĝon.
Lundo kaj merkredo
Ekiro: 8h00 Reveno: ĉ. 18h30
Prezo: 49 EUR
Tiu ĉi ne estas simpla tuttaga ekskurso:
ĝi estas la plej malstreĉa, sed kun plej
diversaj pejzaĝoj. Ĉirkaŭ la urbo
Volendam ni trinkos kafon kun kuketo
kaj sekve iros tra Afsluitdijk al la frisa
kamparo. La ekskurso sekvos parte tra
la Ald-Faers-Erf-vojo. Ni vizitos la
Woord & Beeld-preĝejeton kaj ekspozicion
tie, kaj aŭtentikajn bienojn.
Eblos vidi diversajn flankojn de la kampara vivo tra la diversaj riparejoj, bakejoj, ĉasdometo ktp.
Mardo kaj merkredo
Ekiro: 9h00 Reveno: ĉ. 17h00
Prezo: 50 EUR
Ekiro al Alblasserwaard. Kafo kaj
kuketo estos servataj, kaj sekve ni
vizitos tiun ĉi trankvilan areon, kun
dormantaj vilaĝoj, historiaj bienoj kaj
glaci-epokaj montetoj. Kinderdijk, aro
de ventomuelejoj en la Unesko-listo
de konservendaj lokoj, estas la plej
fama "enloĝanto" de la urbo. Lunĉo
en la cikonia vilaĝo Groot Ammers.
Daŭrigo al Sliedrecht, kie ni ŝanĝos la aŭtobuson por… akvobuso! Ĉirkaŭ 40-minuta veturado laŭ la rivero Merwede tra la urbo Papendrecht al la plej malnova urbo de Nederlando, Dordrecht, kiu ricevis urborajtojn en 1220. Diversaj luksaj domoj memorigas nin pri la plej prospera periodo de la urbo, kun kiu vi havos kompletan konatiĝon.
Merkredo
Ekiro: 9h00 Reveno: ĉ. 17h30
Prezo: 50 EUR
Hago estas la sidejo de la nederlanda registaro
kaj de la reĝa familio. Ĝi ankaŭ estas kultura
urbo kaj butikuma urbo. La ekskurso komenciĝos
per kafo kaj kuketo, sekve promeno "tra la spuroj
de Oranje-familio" kiu portos vin al palacoj, reĝaj
staloj kaj diversaj aliaj lokoj kun rilato al la
nederlanda reĝa familio. Tagmeza kafo en Haga
restoracio. Tagmeze vizito al la Pacpalaco, sidejo de la Internacia Tribunalo.
Merkredo kaj vendredo
Ekiro: 10h30 Reveno: ĉ. 18h30
Prezo: 47 EUR
Vlissingen, urbo de la nederlanda heroo Michiel
de Ruijter, estas la sola urbo en Nederlando kun
sia historia urbocentro ĉe la maro. La historio de
Vlissingen estas plena je konkeradoj, pafadoj kaj
inundoj. Je alveno, kafo kaj loka kuketo estos
servataj al vi. Vizito al Het Arsenaal, vivanta
muzeo kun akvario kaj parko de piratoj, kie vi
konatiĝos kun la vivstilo de tiuj historiaj personoj. Vi travivos emocian
aventuron en la ŝipa simulilo kaj vidos gigantajn varŝipojn trairi antaŭ viaj
okuloj la akvovojon, rigardante el turo de la 17-a jarcento.
Merkredo
Ekiro: 8h00 Reveno: ĉ. 18h30
Prezo: 48 EUR
Alveno al la pulmo de Nederlando, la naturriĉa
Veluwe. Kafo kaj kuketo ĉe restoracio
De Molen. Promenado tra la parko gvidate de
eksa forstisto, kiu montros siajn preferatajn
lokojn kaj rakontos interesajn anekdotojn.
Post la lunĉo spektado al malnov-nederlanda folklorgrupo (muziko, dancoj kaj kostumoj) aŭ libera tempo en la parko.
Merkredo kaj ĵaŭdo
Ekiro: 8h00 Reveno: ĉ. 19h00
Prezo: 51 EUR
Ekiro, paŭzo por kafo
kaj kuketo, kaj alveno al
Zaanse Schans, ĉarma kaj
aparta vilaĝeto kie la
ventomuelejoj ankoraŭ
funkcias laŭ la originalaj
celoj, kaj ankaŭ estas
uzataj kiel loĝejoj. Daŭrigo
al apuda Volendam, tipa
fiŝista vilaĝo kun malnovaj
pentraĵ-aspektaj dometoj.
Paŭzo por kafo kaj daŭrigo al Amsterdamo, kie ni ŝip-ekskursos tra la internacie konataj Amsterdamaj kanaloj. Unika sperto, unika ekskurso!