Sabato kaj dimanĉo
Posttagmeze (13h30-18h30)
Prezo: 21 EUR
Aŭtobusa ekskurso tra la nova
kaj malnova Roterdamo, tra la
konataj stratoj Weena kaj
Coolsingel kaj aliaj malpli
konataj, sed same interesaj.
Kop van Zuid-duoninsulo kun ponto Erasmus certe estos parto de la vizito, same kiel aliaj turismaj allogaĵoj de la urbo. Finu la ekskurson en la turo Eŭromasto, de kie vi havos kompletan superrigardon de Roterdamo kaj de la apuda regiono.
Lundo posttagmeze (13h00-17h30)
ĵaŭdo matene (9h00-10h30)
Prezo: 28 EUR
Konatiĝu kun la nacia parko
Biesbosch, ĝia unika naturo kaj
protektitaj plantoj kaj bestoj pere
de elektra ŝipo. Tiu silenta ŝipo
havas la rajton iri al lokoj malpermesitaj
al aliaj, ne elektraj,
bruaj ŝipoj. Tiu ĉi nacia parko estis
spontanee kreita de la naturo kaj
ankaŭ de la homoj. Pro sia bunta
naturo, dum la milito ĝi servis kiel
rifuĝejo por tiuj kiuj havis kialon kaŝiĝi. Ĝuu kaj unuiĝu kun la naturo!
Dimanĉo, mardo kaj ĵaŭdo
Posttagmeze (14h00-16h00)
Prezo: 34 EUR
Delfshaven komence estis haveno de la pli norda urbo Delft, sed poste iĝis kvartalo de Roterdamo.
Grandparte pro la detruo okazinta en la centro de Roterdamo dum la Dua Mondmilito, Delfshaven estas nuntempe la plej pitoreska loko de la urbo. Sur ĝia kanalo troviĝas la sola funkcianta muelejo en Roterdamo, kiu daŭre fabrikas kaj vendas farunon; la preĝejo de kie la Pilgrimantaj Patroj ekiris, tra Britio, por kolonii Usonon; kaj la sola bierfabriko de Roterdamo. Publika transporto.
Lundo kaj mardo
Matene (9h00-10h30)
Prezo: 25 EUR
Vizitu Roterdamon en historia tramo el 1931. La ekskurso portos vin al la plej ĉarmaj kvartaloj de la urbo, tra la ĉefaj turismaj allogaĵoj. La tramo en si mem jam estas aparta allogaĵo, kaj en ĝi vi spertos vojaĝon en la tempo.
Lundo kaj vendredo
Matene (9h00-11h30)
Prezo: 27 EUR
Alia maniero konatiĝi kun la urbo Roterdamo estas pere
de skutilo. Grupoj de minimume 8 personoj irados tra la
plej interesaj lokoj de la urbo, ĉiu loko kun aparta rakonto.
Vi ekzercos ne nur viajn okulojn kaj cerbon, sed ankaŭ viajn muskolojn.
Ĵaŭdo
Posttagmeze (14h00-17h30)
Prezo: 65 EUR
Aparta kaj ekskluziva aktivado. La kuir-teatro estas ejo kie grupo de maksimume 40 personoj kune kuiras kaj manĝas multkulturajn pladojn.
Ĝi estas maniero senstreĉiĝi, konatiĝi pli bone kun viaj kunuloj, kaj lerni (pli bone) kuiri alilandajn pladojn. Inkluzivas ĉiujn ingrediencojn de la 5-plada maroka menuo. Trinkaĵoj aparte pageblaj. Unika ŝanco certe ne perdinda!
Lundo kaj mardo
Posttagmeze (14h00-15h30)
Ĵaŭdo
Matene (11h00-12h30)
Prezo: 17 EUR
Unika maniero konatiĝi kun Roterdamo, surtere kaj surakve. La ekskurso portos vin trans la Erasmus-ponton al Katendrecht, kie la aŭtobuso eniros la riveron Maas kaj ebligos al vi havi alian rigardon de la urbo, el la akvo.
Revenante, la buso laŭiros la Nordan Insulon, Willems-ponton, Blankan Domon (unua ĉielskrapulo de Eŭropo), Kubformajn Domojn, kaj Laurenspre ĝejon.
Vendredo
Posttagmeze (14h00-15h30)
Prezo: 10 EUR
Jen la plej bona maniero ekkoni la plej grandan havenon de Eŭropo, iam la plej grandan en la mondo. Dum tiu ĉi ekskurso vi konatiĝos kun la moderneco de la haveno kaj ricevos buntan informon klarigantan diversajn detalojn de la havenlaboro. Publika transporto ĝis la ŝipo.
Mardo
Matene (9h00-13h00)
Prezo: 25 EUR
Tiu ĉi interesa ekskurso donos al vi la
eblecon elekti koni aŭ la muzeon Yi Chun
(koreo, kiu venis alparoli la partoprenantojn
de la Dua Packonferenco en
Hago en 1907, pledonte por pli da atento
al la tiame subpremataj koreoj; tamen oni
ne permesis tion al li, kaj kelkajn tagojn
post sia alveno en Nederlando li subite
kaj mistere mortis), aŭ la muzeon Panorama Mesdag (kie videblas la plej
granda nederlanda pentraĵo kaj plej malnova panorama pentraĵo en la
mondo, kiu restas en sia originala loko, pentrita de Hendrik Willem
Mesdag – la muzeo provizos Esperantan klarigon el sia sonsistemo!).
La daŭrigo de la ekskurso estos vizito al la Pacpalaco.