Biblioteko Hector Hodler

Kroniko por superrigardo

1903:: Fondiĝas Svisa Esperanta Societo, ĉe kiu kolektiĝas libroj kaj periodaĵoj.
1908:: En decembro la svisa societo fondas Bibliotekan Komitaton por Svisa Esperanto-Biblioteko.
1909:: Bibliotekisto Stettler proponas la kolekton al UEA.

1912:: Hector Hodler transprenas la kolekton. Ĝi ricevas la nomon Universala Esperantia Biblioteko.
1913:: Hans Jakob venas al Genève kaj ekprizorgas la kolekton por Hodler.
1919:: Oficejo kaj biblioteko situas en Bern (ĝis 1920).
1920:: Hodler postlasas ĝin al UEA. La Biblioteko de UEA ricevas unuafoje mencion en la Statuto.
1926-1930:: Pri la biblioteko zorgas Petro Stojan.
1929:: Kun la oficejo la biblioteko iras al Tour de l'Isle.
1936:: En marto la Estraro decidas translokigon de la oficejo al Genève kaj la bibliotekon al Wien. Proceso ekigita de Jakob malebligas tion.
1937:: Oficejo kaj biblioteko iras al Palais Wilson.
1942:: Jakob trovas tie malmultekostan spacon por la kolekto.
1946:: En la Interkonsento de Bern la biblioteko estas fiksita kiel tasko de la Serva Centro en Genève.

1947:: Jakob trovas senpagan spacon por la kolekto. Post la kunfandiĝo de UEA kaj IEL la Biblioteko de UEA denove aperas en la Statuto.
1948:: En la nova Statuto la biblioteko ricevas la nomon "H. Hodler".
1954:: La estraro esprimas la deziron ke la biblioteko estu ĉe la Centra Oficejo.
1956:: En Kopenhago la UEA-Komitato decidas ke la biblioteko estu en la nova oficejo en Rotterdam.

1960:: La financaj trompoj de Jakob fariĝas konataj. La unua livero da libroj alvenas en Rotterdam.
1962:: La dua livero da libroj alvenas en Rotterdam. Victor Sadler estas nomita bibliotekisto. La Centra Oficejo translokiĝas al la nuna adreso Nieuwe Binnenweg 176.
1967:: Jakob mortas, pliaj libroj atingas Rotterdam-on.
1969:: La oficejo ricevas fotokopiilon. Instalo de Fondaĵo Biblioteko, ĝis proks. 1974.
1980:: En la nova Statuto la biblioteko ricevas sian nunan nomon: Biblioteko Hector Hodler.
1987:: Roger Blaine volontulas en la biblioteko.
1990/1991:: Robert Keetlaer, anstataŭanta militservon, entreprenas paŝojn por komputila registrado.
1991:: Instalo de nova Fondaĵo Biblioteko.
1994:: Bart Ruigrok registras periodaĵojn (ĝis 2002).
1998:: Alvenas la sonbendoj de la Magnetofona Servo de Rüdiger Eichholz el Kanado.
2003:: Z. M. Sikosek faras raporton pri stato kaj eventualaj estontecoj de BHH.